Conseho di Minister di Reino (RMR) a trata diabierna 24 di september entre otro e sosten di likides pa Aruba te cu final di 2021. Conclusion di CAFT tabata cu Aruba no mester haya sosten di likides pa e ultimo 3 lunanan di 2021 pa motibo entre otro di no a reduci e gastonan den salubridad publico cu 60 miyon.

Minister Plenipotenciario, sr. Guillfred Besaril, como tal tabata instrumental den e reunion di awe pa asina duna Aruba e espacio necesario na sigui atende e tema na nivel di e alto funcionario y expertonan administrativo den e proximo simannan.

“Esaki ta cuadra tambe cu e intermediacion entre Ministro Presidente Sra. mr. Evelyn Wever-Croes y Secretario di Estado demisionario, Sr. drs. Raymond Knops di dia 22 di september ultimo. Awor cu Pais Aruba tin un gobierno legitimo cu por consulta y tuma decision, ta e espacio necesario nos tin mester di dje pa por guia e proceso na un resultado satisfactorio pa nos dushi Isla,” Minister Besaril a declara den un comunicado di prensa.

Minister Besaril ta hopi satisfecho cu e decision tuma den RMR cu basicamente ta encera cu ta wanta un decision definitivo pa cu e peticion pa sosten di likides pa Aruba pa e ultimo lunanan di 2021 te e siguiente reunion di RMR fin di October proximo.

Mientrastanto Aruba ta trahando riba diferente alternativa pa por cumpli y bini na remarke pa sosten financiero necesario di Hulanda.

E potret ta cortesia di Cas di Aruba.

 

LEAVE A REPLY

Please enter your comment!
Please enter your name here