Aruba Airlines pasando den turbulencia

ORANJESTAD – Segun algun medio di comunicacion, y tambe segun algun funcionario di Aruba Airlines cu Bon Dia Aruba a consulta, e compania ta pasando den momentonan dificil. Esaki ta principalmente pa e decision di gobierno Venezolano luna pasa di cera frontera entre e pais y e islanan ABC, incluyendo pa trafico aereo.

E situacion aki a conduci na problema pa sigui bende e ruta lucrativo di Caracas – Aruba – Miami, unda e pasaheronan Venezolano tabata cumpra nan ticket pa Miami aki, pagando aki tambe. Asina tabata evita e problemanan cu anteriormente varios compania tabatin, entre nan Tiara Air y Insel Air, di bende ticket na Venezuela pa despues haya e problema cu gobierno Venezolano cu no tabata entrega e placa aki, y sigur no den divisa convertible, loke a contribui grandemente na nan bancarota.

Ultimamente a presenta un alternativa cu no a continua. Segun e website bizjournals.com, e aeropuerto di Tampa tabatin pensa pa cera un convenio cu Aruba Airlines pa tuma over un servicio existente di vuelo entre Tampa y Cuba. Southwest Airlines tabata e principal carrier desde 2016 entre Tampa y Havana, pero Southwest a cambia su plannan pa concentra riba ruta pa Hawai, habriendo e posibilidad pa otro aerolinea. Sin embargo, e convenio no a resulta, a pesar di pasonan huridico pa purba logra esaki.

Aruba Airlines por lo tanto su operacion ta limita actualmente na e servicio aereo entre e islanan ABC, loke no ta un base suficiente pa utilisa e recursonan actual. E problemanan no ta concerni, en todo caso, na e trafico entre e islanan ABC.

 

You May Also Like

image.jpeg

Simon Gollo: Musiconan tin e oportunidad di siña mas for di otro

E festival di Nuevo Mundo y academia ta un oportunidad pa musiconan tanto local ...

Artesano lo mester stop di produci si situacion na kiosco no mehora

“Ami ainda ta keda cu esaki pasobra mi kier demostra cu bo por biba ...

renobacion biblioteca SN.jpg

Fondo adicional produci pa aeropuerto inverti den biblioteca San Nicolas y Brandweer

Gobierno a duna prioridad pa renoba e edificio di Biblioteca Nacional Aruba na San ...

despa, salubridad.jpg

Segun Salubridad: Señal di raton of kakalaka ta falta di cumplimento higienico mas comun

Sanccion maximo cu salubridad por duna pa falta di cumplimento di higiena ta 48ora ...

Artista Rachell Peterson a gana prome luga pa expo di tatuahe na Merca

Artista local di tatuahe Rachell Peterson recien a ricibi un reconocemento na Alexandria, Louisiana ...

Cambio den statuto creando conflicto entre directiva y trahado

“E statuto nobo ta bisa nan kier cumpra tereno, pero pa e parke en ...