Mariott (5).jpg

Aruba Marriott Resort & Stellaris Casino recientemente a wordo honra cu cinco reconocimento regional entre otro “Marketing & eCommerce Leader of the Year”, “Revenue Management Leader of the Year”, “PR Leader of the Year”, “Sales Team of the Year” y “eCommerce Team of the Year” pa e region di Caribe y Latino America.

 

Carolina Voullieme, Directora di Sales & Marketing, a wordo reconoci como “Marketing & eCommerce Leader of the Year” pa su pasion y dedicacion na su posicion como lider di e team di Sales & Marketing y Reservations como tambe pa alcansa resultadonan substancial door di ehecuta efectivamente e iniciativanan strategico poni su dilanti pa locual ta mercadeo y eCommerce. Sra. Voullieme ta forma parti di Aruba Marriott Resort desde 2013 y ta responsabel pa e maneho di benta, mercadeo, reservacion como tambe optimalisa e generacion di entrada pa e hotel.

 

Aisling Seberry, Directora di Revenue Management, a wordo reconoci como “Revenue Management Leader of the Year” pa e aumento significante di entrada obteni pa e hotel na 2015. Sra. Seberry ta forma parti di Aruba Marriott Resort desde 2013 y ta responsabel pa crea strategianan firme cu enfoke riba maximalisa entrada di hotel.

 

Stacey Banfield, Marketing Communications Manager, a wordo reconoci pa ehecuta evento nan di media cu exito na Merca aplicando e concepto unico di Aruba Marriott Resort cu yama “Taste of Aruba” como tambe ehecucion di estadianan di prensa exitoso riba nos isla, cual a resulta den cobertura extensivo cu balor di miyones den media value y media reach. Srta. Banfield ta forma parti di Aruba Marriott Resort desde 2014 y ta responsabel pa ehecucion di e hotel su plan di mercadeo y relacionnan publico.

 

Adicionalmente, e team di Sales bou guia y maneho di Carolina Voullieme y sosteni pa Roosje Jacobs, Abigail van der Linden, Shareska Gutierrez y Carl Quant a wordo honra cu e gran reconocimento di “Sales Team of the Year” pa alcansa un suma total di benta di grupo hopi halto y incomporabel den e region.

 

Tambe bou di guia y maneho di Carolina Voullieme, e team di eCommerce sosteni door di Stacey Banfiel, Christine Leo y Sonam Sujan a ricibi reconocimento como “eCommerce Team of the Year” pa e aumento drastico den cantidad di bookingnan dirigi na e hotel su website.

 

Un tiki mas di Aruba Marriott Resort & Stellaris Casino:

Aruba Marriott Resort & Stellaris Casino ta situa na Palm Beach y ta consisti di 411 camber cu balcon priva cu bista pa e pool relahante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel situa riba e di ocho piso di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esunnan cu kier disfruta y relaha, por haci uzo di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.