Recientemente a tuma logra e prome edicion di e competencia UANA CUP,cual a tuma luga na Coral Springs,Florida.
Esaki ta segun e relato cu nos a ricibi. Paisnan di Caribe y di America Central,afilia na CCCAN a competi contra e paisnan di Consanat,cual ta encera e paisnan di Sur America. Den e resultado di e prome competencia aki,CCCAN a Sali como ganado absoluto. Aruba tambe a participa na e competencia menciona,cu un delegacion consistiendo di atletanan y coachnan di e clubnan di landamento competitivo Aruba Dolphins y Stingray Swimming,como tambe dos representante di nos cuerpo di oficialnan certifica pa e organo maximo di deporte acuatico FINA,esta Ronald Leito y Mayens Tromp. Tanto nos atletanan como nos oficialnan a haci un tremendo trabou,representando nos Pais Aruba cu honor. AZB ta manda un palabra di tanto pabien como gradicimento pa cu e tremendo trabou.
