Cruz Cora internacional discutiendo riba scandalnan di sex

Den un grupo cera di Facebook 4331 miembro di Cruz Cora Internacional ta discutiendo riba e scandalnan di sex cu a sali den publicidad recientemente.

Esta cu dunadonan di ayudo ta huur prostitutanan y organisa fiestanan di sex den areanan di calamidad, manera a pasa despues e temblor na Haiti cu trahadonan di e organisacion di ayudo Oxfam.

E fuente Hulandes NOS a publica esaki a base di un publicacion den e corant Suizo Le Temps. Boluntarionan y trahadonan di Cruz Cora Internacional ta comparti hasta experiencianan. Manera uno ta conta cu durante e 6 aña trahando na Cruz Cora Internacional (ICRC) ‘e comportacion aki tabata algo usual durante misionnan.” Hasta ta menciona cu ICRC sa di casonan pero no ta actua y hasta a duna promocion na un persona cu nan a gara.

E grupo riba e medio social tambe a traha un poll unda ta puntra e miembronan si nan ta sa di coleganan cu a haci uzo di servicionan sexual paga. Den e corant Suizo un vocero di ICRC a comenta cu nan ta na haltura di e grupo y tin atencion pa e asuntonan treci dilanti den e grupo. Y cu nan ta tuma nan hopi serio.

Cruz Cora di Hulanda a reacciona na NOS bisando cu nan ta traha independiente di e organisacion internacional ICRC. Riba nan website nan a publica 15 di februari un declaracion riba mal comportacion di dunadonan di ayudo. Den esaki Juriaan Lahr, responsabel pa manda trahadonan/boluntarionan afo, ta bisa cu den e ultimo 15 aña nan a ricibi 3 melding di Hulandes cu tabata envolvi den un scandal di sex. Tabata trata di bishita na prostituta y saca potretnan di hende muhe sunu. Nan a termina sea no extende e contractonan di tur tres. Sinembargo sr. Lahr ta bisa cu nan no ta descarta cu por tin mas Hulandes envolvi como cu nan ta traha pa e division internacional di Cruz Cora.

You May Also Like

94568d94993d6f363911feeb0576e740.jpg

Australia a perde nan compas moral

Australia ta casi perde nan compas moral riba asuntonan di refugio anto New Zealand ...

nota 1 (Ben-Rhodes venezuela).jpg

Cas Blanco: Venezuela ta e preocupacion mayor di Merca den America Latino

‘Golpazo’ di economia y crisis politico na Venezuela ta e preocupacion mas grandi di ...

Obama ta adverti riba mal uzo di social media

Presidente anterior di Merca Barack Obama a adverti contra e uzo irresponsabel di social ...

Avion Rusia

Rusia ainda no ta convenci di bom riba avion

Analisis di Merca y Inglaterra ta sugeri cu ISIS a planta un bom abordo ...

AP_donald_trump_jt_161007_16x9_992.jpg

Trump kier pa Clinton tuma un ‘drug test’ prome cu e debate final

Nominado presidencial Republicano sr. Donald Trump  ta acusando rival Hillary Clinton di ta ”pumped up” ...

download (2).jpg

Fidel Castro, lider revolucionario di Cuba ta fayece na edad di 90

Ex presidente di Cuba Fidel Castro, un di e lidernan di mas conoci na ...