Aruba ta #1 den lista di beachnan pa evita

Pagina popular di turismo Oyster.com a publica un articulo riba siete beach cu bo mester evita si bo ta buscando un luga trankil pa bo vacantie. Segun e articulo aki, region di Caribe ta un di e destinacionnan top na mundo pa ora di bay vacantie pa motibo di e beachnan y temperatura. E website ta enfatisa cu si bo ta buscando un escape pacifico den Caribe, tin siete beach cu bo mester evita pa bo haya e trankilidad cu bo ta merece.

Lista
Riba e lista aki Palm Beach, Aruba ta number 1 cu populacion di 4,548 camber y 12 resort riba un beach di 3km cu hopi turista mester comparti. E articulo ta subraya cu: “A pesar cu Eagle Beach ta yena cu hopi turista, ta Palm Beach ta e area cu mas populacion. Kisas bo lo haya e area no mucho ideal pa e escape den Caribe cu bo ta buskando.”   E lista di beachnan pa evita den e caso aki segun oyster.com ta:

1.Palm Beach, Aruba
2. Isla Verde, San Juan, Puerto Rico
3.Playa Forum, Cancun, Mexico,
4. Bavaro Beach, Punta Cana, Republica Dominicana
5.Cornwall Beach & Docter’s Cave Beach, Montego Bay, Jamaica
6.Cabbage Beach, Nassau, bahamas
7.Mamitas Beach, Playa Del Carmen, Mexico

Construccion di hotel
Riba rednan social, varios hende local a cuminsa reacciona riba e articulo internacional aki. Ciudadanonan ta comenta cu esaki ta algo sumamente negativo como propaganda pa Aruba y ta pa e motibo aki mester stop cu mas construccion di hotel y resorts.

Bon Dia Aruba lo busca un reaccion di Ministerio di Turismo riba e tema aki.

Fuente: Oyster.com

You May Also Like

3c113e895b45ce4e0bc06fb09af4a80f.jpg

Ronda Rousey: MMA por resolve problema di tiramento

Atleta Ronda Rousey ta pensa cu e tin e solucion pa preveni tiramento den ...

Bida den prizon pa asesino di mucha muhe Musulman

MERCA – Na nort di Virginia, un homber ta na spera di sentencia di ...

Cantante George Michael ta fayece na edad di 53

Cantante George Michael a muri na su cas na Oxfordshire.  E cantante a fayece ...

Rednan 5G por causa problema cu pronostico di tempo

Pa lunanan largo, NASA y NOAA (National Oceanic and Atmospheric Administration) ta bin ta ...

GCSEGET.jpg

”Studiantenan na Inglatera ta esunnan mas analfabetico den e mundo academico”

Segun un estudio conduci door di OECD (the Operation for Economic Co- Operation & Development) ...

ONU: no cumplimento di obhetivo den proceso di paz cu FARC

Hefe di mision di ONU na Colombia, Jean Arnault, a bisa cu tabata imposibel ...