Aruba ta habri su dia cu un asesinato

Ralph de Palm, victima

Awe mainta trempan pa alrededor di 4.30 di marduga varios tiro a keda scucha pafor di e localidad conoci manera Olde Molen. Cuerpo Policial ta confirma identidad di e victima Ralph de Palm, naci na Haiti na 1990, e tabata tin 26 aña.

Na yegada di polis a bin encontra un homber cu identidad desconoci benta abou cu varios tiro na curpa, entrenan na su cabes y pecho. Ambulance a presenta pero a constata di biaha cu no por haci hopi pa e victima pa motibo di e multiple tironan ricibi; e victima a fayece na e sitio.

Tin testigon cu a mira e sospechoso bandona e sitio y a notifica polis den cua auto esaki tabata. E area a keda cera pa investigacion y fiscal tambe a presenta pa por wak e situacion y tuma e curpa den beslag.

E noticia aki ta den desaroyo y mas informacion lo sigi durante di dia. Bon Dia Aruba ta desea forsa na e famia y cu e alma sosega na paz.

 

You May Also Like

Accidente cu persona herida na Tanki Leendert

Diabierna merdia riba un zijweg net panort di Misa di Tanki Leendert a sucede ...

Accident na altura di Isla di Oro despues di Jouvert

Polis ta informa cu awe mainta 09.40 melding a drenta via Centrale Post cu ...

2 turista atraca, desconoci busca pa polis

Awe merdia den Emmastraat/ Uruguaystraat un tas a wordo ranca for di 2 turista. ...

Mucha muhe sofoca cu saco di plastic haya den cas pa famia

Desde ayera tra’i merdia por a wak basta conmocion den comunidad di Aruba pa ...

Polis a guia pareha turista perdi yega nan destino

Un pareha turista gosando di nan vakantie na Aruba tabata perdi den area di ...

Polisnan di San Nicolas man yen cu bringamento entre gangnan den caya

Algo prome cu 4 or marduga patruyanan di San Nicolas a keda pa bay ...