DVG a publica su resumen diario unda cu ta reporta tocante e desaroyo di COVID-19 na Aruba.
Segun e resumen aki, tin un total di 38 persona cu a recupera y un total di 692 caso nobo di COVID-19 cu a keda registra, di cual 85 no ta residente.
E cifranan aki ta representa un tasa di positividad bao di nos residentenan di 59 porciento. Esaki ta aumenta e cantidad di casonan activo di COVID-19 na 2769, mientras cu e cantidad di fayecidonan relaciona cu COVID-19 ta permanece 181.
E datonan ta ilustra casonan nobo di coronavirus cu un averahe semanal di 365 caso pa dia,y un averahe di tasa di positividad semanal di 47 porciento pa dia.
Den hospital na Aruba tin un total di 7 persona interna di cual tin 2 den unidad di cuido intensivo, tambe yama ICU y 5 riba piso general. Den exterior, specificamente Colombia, tin actualmente 3 persona interna den ICU y ninguno (0) riba piso general.
