Ayera a tuma luga Arubadag na Hulanda. E evento aki a termina na un pelea.
Segun e fuente Regio15.nl, pa mas o menos 19:15 a surgi un pelea, na unda alcohol aparentemente lo a hunga un rol grandi den esaki. Cuerpo policial a uni pa asina controla e situacion, nan a pidi tur presente pa asina bandona e sitio y bay cas. E dos personanan cu no a coopera a wordo deteni segun e fuente.
Reaccion Comision Arubadag
Comision Arubadag ta ‘lamenta’ cu na final di Arubadag a surgi un discusion cu a resulta den un pelea entre dos persona for di e publico. E personal di security profesional cu e comision a contrata pa e evento aki a tuma nan responsabilidad y a atende e indecente aki na un manera profesional cu a evita cu e pelea a bay for di man y tabata tin herido. Esunnan cu a cuminsa e pelea a wordo domina y separa di otro.
“Esaki no ta e manera cu e Comision Arubadag kier a mira con Arubadag 2018 a termina. Un dia sumamente exitoso unda un cantidad record di publico a bin De Broodfabriek pa celebra en grandi nan dia nacional.”
