Ayera anochi despues di atraca un cas y bay cu 1700 florin, atracadonan a bay cu auto di doño di cas. Esaki polis a haya despues, pero no a logra haya e sospechosonan ainda. Si esaki lo ta relaciona cu caso di 3 persona cu a huy di wardacosta investigacion tin di saca afo ainda.
Diadomingo anochi 22:50 central di polis ta manda patruya di playa na un cas na Ponton pa un atraco. Na yeganda di e patruya e doño di cas ta conta cu un rato prome tres hende homber cu arma di candela a drenta su cas y menas’e.
Dos di e atracadornan tabata tin arma di candela. Tur tres no ta tin cara tapa y nan ta papia Spaño. Nan a pone e doño di e cas bay den camber na unda su ruman homber tabata drumi. Nan a lanta e ruman for di soño y a bai over na mara nan man cu un faha y hinca panja den nan boca. Nan a bai cu afl 1700,- , 2 celllular y flatscreen tv. Nan a huy den e auto di e donjo di e cas cu ta un Kia Picanto Blanco numera A-3280. Atraco Team a presenta na e adres menciona y slachtofferhulp. Un rato despues patruya di playa a haya e auto na Schotlandstraat.
Tres persona huy di wardacosta
Si esaki lo ta relaciona cu un caso unda 3 persona a huy di wardacosta, polis no por bisa ainda. Segun vocero di polis e investigacion lo tin di saca esaki afo ainda. Pero si nan ta na alerta pa haya e 3 personanan cu a huy di wardacosta.
Ken cu por wak algo den ambos caso por yama tiplijn di polis cu ta 11141.
