Despues di hopi preparacion, e dos rumannan Jaillen y William Laclé a inicia nan aventura cu ta cuminsa na Hulanda y termina na Thailand, riba bais!
E trayecto lo tuma aproximadamente un aña di tempo y ta consisti di un distancia cu ta poco mas cu 9.200 kilometer. E punto di salida ta di e ciuidad Den Haag y lo termina na Bangkok. Nan a prepara nan ekiponan cual ta consisti di entre otro baisnan cu frame di hero pa asina garantisa durabilidad di e material y facilidad den remplasa e piesanan.
Bon Dia Aruba lo ta siguiendo nan trayecto di serca y ta invita un y tur pa bishita nan website www.laclebrothers.com.
Tambe por sigui nan stapnan di serca atraves di: https://www.polarsteps.com/Jaillen/all-trips
