E caso di asesinato cu a tuma luga na Jaburibari dialuna ultimo caminda un turista a perde su bida a sacudi nos comunidad un biaha mas.
Aunke cu for di Ministerio Publico no a sali ningun informacion ainda di kende ta esunnan involucra, un di detenidonan su nomber a aparece riba medionan Canades. E homber Michael Teddy Gibson ta un asesino conoci cu pa mas cu 1 aña ta wordo busca pa autoridad di Aruba y Canades.
1 aña atras, Bon Dia Aruba a trece e noticia di Gibson dilanti como cu e la drenta Aruba pero nunca mas a sali bek.
Busca pa autoridad
Gibson lo a tira Julian Weekes di 27 aña den e marduga di April 2 2016 dilanti di FUSE Restaurant na 366 Queen Street. Weekes asina mes a logra cana yega na e parkeer plaats di un Shell gas station, na unda e la collapse despues di a ricibi multiple impacto di bala na su curpa y ta fayece na e sitio. Polis na Toronto ta bisa cu Weekes lo a bay un acto di condolencia pa un amigo di dje cu a wordo tira mata ariba Maart 24.
Investigacion a bin determina cu esun cu a tira ta Michael Teddy Gibson di 29 aña (e tempo ey).
Segun polis a sigui bisa Weekes y Gibson conoce otro, y cu nunca Weeks a considera Gibson como menasa pe. Polis a sigui bisa tambe cu danki na testigonan di unda e incidente e tuma y tambe camara di siguridad cu nan ta ken a tira.
Entrada Aruba
Gibson, kende tambe ta wordo yama Tyrone lo a drenta Aruba ariba April 5 2016, pues tres dia despues cu e la comete e asesinato na Toronto y NO sali mas di e isla.
