Astrologo Portoriqueño, Walter Mercado Salinas, a fayece diasabra anochi na e hospital Auxilio Mutuo na San Juan, Puerto Rico, segun Vocero di hospital, Sofia Luquis. E tabatin 87 aña di edad.
Mercado tabata un icono di television di habla hispano, entregando horoscop tur dia, y su mensahe di ‘mucho, mucho amor’ pa decadanan largo.
E causa di morto tabata fayo di riñon.
Mercado a nace riba lama, den un barco bayendo for di Spaña pa Puerto Rico, dia 9 di maart 1932. El a cuminsa su carera como un actor y bailarin, apareciendo den varios novela na Puerto Rico. Ora un invitado no a presenta pa un programa di Telemundo, Mercado a cuminsa su carera como astrologo, na 1969, ora e productor a pidi’e pa cubri pa e invitado, lesando horoscop.
Un aña despues el a cuminsa presenta un segmento astrologico na Telemundo, y a enfoca riba astrologia. El a duna su lecturanan cu gestonan dramatico, hopi biaha enfatisando e ‘r’nan. Mercado tabata bisti extravagantemente, den capa decora. Semper e tabata finalisa su presentacion cu e frase: “Pero sobre todo, mucho pero mucho, amor.”
