E staff parking lot nobo sin afdak na Aeropuerto di Aruba situa banda di e ‘taxi staging area’ ta den su fase final di construccion prome cu e keda cla completamente.
Aruba Airport Authority N.V. (AAA) por medio di e comunicado aki ta informa tur usuario di e staff parking lot cu desde Diaranson 1 di Juni 2016 tur usuario cu a scohe pa parkeer den e area aki lo mester cuminsa haci uso di e parkinglot.
E card reader di e parking lot cubri no lo lesa e carchinan cu mester wordo usa pa e parking lot sin afdak mas desde prome di Juni 2016. E usuario no mester haci nada, djis cuminsa parkeer den e area nobo si a scohe pa e opcion aki.
Si un usuario tin pregunta of kier cambia su escogencia di parking lot e usuario por tuma contacto cu e Departamento Comercial na b.brown@airportaruba.com of pasa na oficina di AAA pa haci e cambionan.
AAA ta gradici tur usuarionan di e staff parking lot pa nan pasenshi durante e diferente fasenan di e proyecto y ta recorda tur usuario di e staff parking lot pa pone atencion na e fecha cu mester cuminsa haci uso di e parking lot sin afdak.
Fuente: comunicado AAA
