Recientemente e Atletanan Jeremy Dijkhoff(Oro) y Laertes Araque(Plata) ta luci entre e grandinan. Ambos atleta a gana Medaya di Oro y Plata pa Aruba den e deporte di pesas na Argentina.

Despues cu Nicole Dijkhoff a logra triunfa cu varios medaya pa Aruba den e competencia di Youth den pesas na Argentina, awe diabierna su ruman Jeremy Dijkhoff como tambe Laertes Araque a subi podium den e mesun nivel di competencia aki y asina pone nos bandera bay halto na Argentina.

Atleta di pesas, Jeremy Dijkhoff ta gana medaya di Oro pa Aruba den e South America Junior, Youth Championships & Ibero American 2019. Jeremy Dijkhoff a midi forsa awe riba plataforma unda a finalisa ganado maximo den su categoria youth U15. Jeremy logra snatch 95KG y clean & jerk 110KG.

Di otro banda, atleta Laertes Araque tambe ta gana medaya di Plata pa Aruba den e South America Junior, Youth Championships & Ibero American 2019. Laertes Araque den un competencia fuerte a logra demostra su talento riba plataforma unda a finalisa segundo luga den su categoria U17. Laertes logra snatch 101 KG y clean & jerk 131 KG,

LEAVE A REPLY

Please enter your comment!
Please enter your name here