CBS ta duna e siguiente informacion riba cifra di importacion y exportacion di di tres kwartaal 2019.

Importacion total, den peso, a registra un subida di 1.3% den di tres kwartaal di 2019 (159.8 mln kg) compara cu e mesun periodo den 2018 (157.7 mln kg), den balor, a subi cu 4.2% di Afl. 561.4 mln pa Afl. 584.8 mln.

Importacion pa e zona franca di Aruba* (peso).
Importacion pa e zona franca di Aruba pa e di tres kwartaal di 2019, a subi cu 0.6% di 157.4 mln kg na 2018 pa 158.4 mln kg na 2019. Durante e periodo aki diesun (11) di e bintiun (21) seccionnan a registra un subida den importacion den peso pa e zona franca di Aruba.

E subidanan mas grandi ta den e seccionnan “Ekiponan di transporte” (1.2 mln. kg), “Metalnan comun y trabounan deriva” (0.7 mln. kg) y “Obranan di piedra, gips, cement of asbest” (0.7 mln. kg).

E caidanan mas grandi ta den e seccionnan “Palo, carbon y materialnan di palo” (-0.7 mln. kg). Ademas, caidanan a wordo registra pa e seccionnan “Animalnan bibo y otro productonan di origen di animal”

(-0.6 mln. kg), “Productonan mineral” (-0.4 mln. kg), “Productonan vegetal” (-0.3 mln. Kg), “Materialnan pa fabricacion di papel y materialnan di papel” (-0.3 mln. Kg) y “Productonan alimenticio” (-0.3 mln. Kg).

Importacion pa e zona franca di Aruba (balor).
Importacion pa e zona franca di Aruba pa e di tres kwartaal di 2019, den balor, a subi cu 2.2% di Afl. 553.9 mln na 2018 pa Afl. 565.9 mln na 2019. Dies (10) di e bintiun (21) seccionnan, a registra subida den importacion den balor pa e zona franca di Aruba.

E subidanan mas grandi ta den e seccionnan “Ekiponan di transporte” (Afl. 8.4 mln), “Diferente tipo di articulonan fabrica” (Afl. 7.9 mln.), “Metalnan comun y trabounan deriva” (Afl. 3.8 mln) y “Perlanan real y otro tipo di piedranan precioso” (Afl. 2.4 mln.).

E caida mas grandi ta den e seccion “Productonan mineral” (Afl. -4.1 mln). Ademas, caidanan a wordo registra pa e seccionnan “Productonan alimenticio” (Afl. -3.3 mln) y “Productonan kimico” (Afl. -3.0 mln) respectivamente.

E importacion pa e zona franca di Aruba menciona anteriormente ta e resultado di Importacion via Lama y Importacion via Aire, cual tawata tin e siguiente efectonan:

1. Importacion pa e zona franca di Aruba* via Lama

Importacion via di Lama pa e zona franca di Aruba, den peso, a registra un subida di 0.5% den e di tres kwartaal di 2019 (157.4 mln kg) compara cu e mesun periodo den 2018 (156.7 mln kg), den balor, ela subi cu 1.9% di Afl. 464.8 mln pa Afl. 473.5mln.

2. Importacion pa e zona franca di Aruba via Aire

Importacion via di aire pa e zona franca di Aruba, den peso, a registra un subida di 32.6% den e di tres kwartaal di 2019 (1.0 mln kg) compara cu e mesun periodo den 2018 (0.7 mln kg), den balor, tin un subida di 3.6% di Afl. 89.1 mln pa Afl. 92.3 mln.

Importacion pa e zona franca di Aruba* pa “Companianan grandi.”
Importacion pa “Companianan grandi”, den peso, a subi cu 12.4%, di 23.4 mln kg den e di tres kwartaal di 2018 pa 26.2 mln kg den e di tres kwartaal di 2019, mientras, den balor, tin un subida di 5.7%, di Afl. 60.9 mln pa Afl. 64.4 mln.

Exportacion total

Exportacion total, den peso, a registra un subida di 1.1% den e di tres kwartaal di 2019 (4.7 mln kg) compara cu e mesun periodo di 2018 (4.6 mln kg), mientras, den balor, el a subi cu 18.9% di Afl. 29.8 mln pa Afl. 35.4 mln.

Exportacion for di zona franca di Aruba (peso).
Exportacion for di e zona franca di Aruba, den peso, a registra un caida di 5.8% den di tres kwartaal di 2019 (3.9 mln kg) compara cu e mesun periodo den 2018 (4.1) mln kg). Diescuater (14) di e bintiun (21) seccionnan, a registra un caida den peso den e exportacion pa e zona franca di Aruba. E caidanan mas grandi ta den e seccionnan “Metalnan comun y trabounan deriva” (-0.5 mln kg), “Obhetonan di arte, piezanan di coleccion y antiguedadnan” (-0.2 mln kg) y “Productonan alimenticio” (-0.1 mln kg).

E subidanan mas grandi ta den e seccionnan “Materialnan pa fabricacion di papel y materialnan di papel” (0.5 mln kg) y “Makinaria y ekiponan electronico (nobo y renoba)” (0.1 mln kg).

Exportacion for di zona franca di Aruba (balor).
Exportacion for di e zona franca di Aruba, den balor, a registra un subida di 7.2% den di tres kwartaal di 2019 (21.7 mln) compara cu e mesun periodo den 2018 (Afl. 20.3 mln). Shete (7) di e bintiun (21) seccionnan, a registra subida den balor den e exportacion pa e zona franca di Aruba. E subidanan mas grandi ta den e seccionnan “Perlanan real y otro tipo di piedranan precioso” (Afl. 2.9 mln), “Makinaria y ekiponan electronico (nobo y renoba)” (Afl. 1.1 mln.), “Ekiponan di transporte” (Afl. 0.6 mln) y “Cuero di animal y otro materialnan di cuero” (Afl. 0.5 mln).

E caidanan mas grandi ta den e seccionnan “Instrumentonan, aparatonan y ekiponan optico” (Afl. -2.1 mln), “Obhetonan di arte, piezanan di coleccion y antiguedadnan” (Afl. -0.7 mln)” y “Metalnan comun y trabounan deriva” (Afl. -0.4 mln).

LEAVE A REPLY

Please enter your comment!
Please enter your name here