Atleta di BMX Kailen Wouters a logra un biaha mas di ta un di e ganadornan den su categoria , henter e weekend e la demostra su talento. E hoben aki a competi na Tulsa, Oklahoma. E la logra un di 3luga den su categoria di 6 aña.
E competencia na Tulsa, Oklahoma tabata e ultimo competencia di Kailen Wouters e weekend tras di lomba prome cu aña caba y e mayornan ta sumamente contento cu Kailen por a cera un aña exitoso y a surpasa e retonan cu e tabata tin su dilanti.
Pabien na henter e team cu ta traha duro hunto cu Kailen y su famia. Pa aña 2021 sigur e deportista hoben aki ta bay prepara su mes pa sigui competi y sigui surpasa su retonan cu e tin pa futuro. E deportista hoben aki a sa di pone Aruba su nomber den halto den tur e tres competencianan cu e la competi internacionalmente na Merca. Asina su mama Marellys Robles de Medina a expresa riba su redsocial.
