Recientemente atletanan di Aruba a participa na e Ironman na Cozumel, Mexico di cual nan a caba 140.6 miya.

Despues di a sigui tur e suceso di e Ironman na Cozumel, Mexico di cerca, mas respet ainda bo ta haya pa tur e atletanan cu ta cuminsa na un evento asina. Danki Dios tur cos a bay bon pa nos atletanan Dennis Schoneveld, Herbert Merryweather Jr, Jeff Lopez, Raymond Arends y Alex Cybul cu tambe a recori e trayecoria pisa aki.

Durante e evento aki un atleta di Brazil no a sobrevivi e evento aki y ta muri den e parti di landamento mientras un otro ta bira basta malo. Aki bo ta para keto un rato y pensa cuanto riesgo un evento toch extremo por hiba cune.

E preparacion di un full Ironman ta exigi hopi entrenamento den tur sentido di palabra, e disgaste fisico y forsa mental ta exigi cada bes mas hopi segun e evento ta avansa. Riba dje e clima y temperatura tambe keda ta hunga un rol pa no papia mes di e pacour.

Den e full Ironman nos atletanan mester a landa 2.4-mile (3.86 km), pa despues subi bicicleta y core e distancia di 112-mile (180.25 km) y por ultimo core na pia un full marathon di 26.22-mile (42.20 km). Ora bo caba e trayectoria aki bo por yama bo mes un berdadero muhe of homber di hero. Esaki ta segun e fuente 297Sports.

LEAVE A REPLY

Please enter your comment!
Please enter your name here