SAN NICOLAS – Diadomingo den careda di 8or di anochi un pareha di edad den nan cas na Zeewijk a wordo sorprendi pa hombernan desconoci cu arma di candela. E atracadonan di habla Spaño a menasa e pareha di edad pa placa y nan a logra bay cu basta placa.
Algun luna atras na e mes un adres aki antisocial a horta tur 4 tire di auto cu tabata staciona dilanti di e cas. Polis a solicita presencia di ambulance debi cu e homber a bira malo y a notifica atraco team di e caso aki. cualkier persona cu por sa algo por duna un tip anonimo na 11141 of departamento di atraco team .
