Di parti hefe di atraco team nos a caba di ricibi un update riba e caso di awe mainta.
Investigacion a mustra cu e security en cuestion a haci un denuncia falso di atraco/ robo arma. El a bin admiti despues , door cu e la haya e porta di e negoshi habri e la spanta y ganja cu ta hende arma a intimide.
E persona encuestion lo wordo persigi pa hasi denuncia falso.
Prome informe tabata ta:
Awe mainta pa mas o menos 7:30 central di polis a haya un yamada cu 4 pa 5 persona lo a drenta horta e lugar Sole na Plaza Daniel Leo. Ta asina cu na yegada di patruya, e security lo a conta cu mas tempran 5 persona hende homber lo a aserc’e y un di nan a lanta su flanel y mustr’e un arma di candela anto bis’e pe hala di eynan.
Dos di nan a papia papiamento y e otro tresnan a papia spaño. Nan no tabata tin cara tapa. Nan lo a drenta den e lugar y a horta basta zonnebril. Loke ta e suma exacto no ta conoci. Atraco team a presenta y tambe slachtofferhulp a presenta pa guia e security cu a pasa den un susto.
