Diasabra den careda di 9:15 anochi dos homber na preto bisti cara tapa y cu un arma di candela den man a drenta e New Star supermarket situa na Madiki Kavel y sorprende e chines. E atracadornan a bay na e cash register dilanti y asina ranca e mashin bay cune completo. E chines a intenta di tira algo riba nan pero e atracadornan a move asina lihe bay direccion zuid. E chinesnan a drenta panico cera e luga, polis a yega di biaha pa asina busca mas informe y wak e video di grabacion. Atraco team tambe tabata presente pa haci nan investigacion, cuerpo policial su recherchenan sigur lo traha duro riba e caso aki pa pronto pone man riba e sospechosonan aki.
