Kim Kardashian West a bandona Francia despues di a wordo atraca cu arma na su cabes, dor di hombernan bisti manera polis den un apartamento priva na Paris, segun oficialnan Frances ta bisa. Un vocero pa Kardashian West ta bisa cu e celebridad tabata basta spanta pero no a sufri ningun daño fisico despues di e incidente cual a tuma luga dialuna mainta. Kardashian tabata kedando den un apartamento den un mansion luhoso cual ta obtenibel pa huur pa dia of pa siman. Kardashian a wordo cera den baño mientras e dos hombernan a bay cu dos telefon y prenda na balor di miyones. Un renchi di dede ta wordo estima di ta 4 miyon Euro y otro prenda cu balor di 5 miyon Euro, entre otro a wordo horta hunto cu telefonnan y otro articulonan.
Por lesa mas aki: CNN
