Hackers a causa problema grandi na entre otro negoshinan, banconan y aeropuertonan rond Europa via un infeccion cu ta similar na esun di luna pasa (atake di WannaCry). E pais Ukraine ta esun cu aparentemente a haya e sla mas duro na su Banco Central, aeropuerto y transporte local.
E agencia di propaganda WPP tambe a wordo afecta – su website a completamente shutdown.
Un experto di Kaspersky Lab a identifica e virus aki como Petrwrap, un virus cu ta bini for di e Petya ransomware cu a wordo identifica door di nan den luna di maart. Un sample a wordo descubri dia 18 di juni cual a sugeri cu e virus ta infectando diferente machine pa algun tempo caba.
