‘Aumento di peticion trahado afo no relata cu refineria’

Minister Angel Bermudez di Labor ta bisa cu e aumento di peticion di personanan di afo solicitando pa un trabao na Aruba, no tin di haber directamente cu e refineria/Citgo.

E minister ta splica cu nan ta cay den un ‘otro grupo’ pa motibo cu gobierno a cera un protocol cu Citgo pa den e fase di rehabilitacion lo por trece trahadonan di afo temporalmente.

Den e fase aki nan mester  bin cu expertonan pa yuda den e trabou di rehabilitacion aki pa pone e planta den operacion. Pero despues e refineria mester di un cantidad di trahado cu mester opera e refineria mas structural.  

Ta asina cu mas tanto posibel ta recluta localnan”, e ta splica.

Sinembargo e minister ta haya cu no lo bay tin suficiente hende local cu e capacidad of competencia pa atende e demanda di trahadonan cualifica pa traha den e refineria. A base di esey,  e protocol ta wordo aplica den cual nan ta evalua con e demanda di e tipo di trahado capacita nan lo soluciona. Den e caso cu mester tuma trahadonan di afo, nan ta mara na un permiso pa un periodo temporal, te ora cu e fase di rehabilitacion ta bin cla cu ta wordo calcula cu lo ta na final di 2018.

You May Also Like

Beach publico na luga di ex Bushiri hotel

Conseho di minister a aproba un par di plannan relaciona cu edificionan bieu den ...

‘Veredicto den caso Mitch Henriquez ta bofta pa famia y pueblo Hulandes’

Ayera e veredicto den caso di Mitch Henriquez a keda conoci caminda cu polisnan ...

Problema dump (1).jpg

Gobierno tin pensamentonan Green pero en realidad ta haci otro

Awe a tuma luga e apertura di e 7 edicion di e Green Conference ...

‘Wetlands hopi importante pa parhanan’

Greg Peterson di Aruba Birdlife Conservation ta laga sa den un relato cu nos ...

Despues di hopi aña partido PPA ta conoce lider nobo

Diabierna ultimo durante entregamento di lista, Benny Nisbet di PPA a anuncia cu e ...

Hotel pa San Nicolas: Banco Central ta adverti pa Three Rivers Real Estate

Den un carta fecha 19 di maart 2019, Banco Central a manda un carta ...