Aumento preocupante di asesinato na Trinidad & Tobago

Port of Spain – Cu 16 persona asesina den e prome cuatro dia di december 2017, hefenan di polis na Trinidad y Tobago ta buscando otro strategia pa mehora nan intervencion den e situacion.

E total di asesinato a yega 460 pa e aña te awor. Den ultimo dos dia tabatin tambe dos doble asesinato na Belmont y Morvant, completando asina 24 asesinato doble pa e aña.

E cifranan no ta cay bon cerca Acting Commissioner of Police (ACP)di Anti-Crime Operations, Irwin Hackshaw. Papiando cu T&T Guardian, Hackshaw a bisa cu tin preocupacion mayor entre e top di cuerpo policial di e pais, incluyendo e alto comisario interino, Stephen Williams.

“Nos no ta nada contento… nos no ta comodo cu loke ta pasando,” Hackshaw a bisa, notando cu nan ta especialmente molestia pa e reciente aumento den asesinato.

El a declara cu nan ta buscando forma pa pone mas polis disponible den e comunidadnan den henter e pais, pa por trece mas elemento criminal pa responde dilanti husticia.

“Nos ta implementando diferente strategia y buscando diferente manera pa pone mas oficial den areanan strategico pa haya mas gara riba conducta criminal.”

Trinidad & Tobago cu 1.365.000 habitante y un cantidad di 460 asesinato, cu por yega 500 pa fin di aña, ta alcansa un ‘murder rate’ di alrededor di 37 asesinato pa cada 100.000 habitante. Cu esey nan ta acercando e top di e lista den Caribe, cu ta US Virgin Islands (39 pa 100.00 habitante) y Saint Kitts & Nevis (38 pa 100.000), cu ta mas halto cu paisnan manera Guatemala y Colombia cu ta sigui cerca.

You May Also Like

Brasil: Cinco aresto den caso di dam kibra

Al menos cinco persona a ser aresta ayera pa autoridadnan Brasileño, acusa di a ...

Dos persona a muri pa via di ola di friu na Argentina

Dos homber a muri na Argentina pa motibo di un ola di friu cu ...

Tormenta Irma ta menasa cu bira horcan y mañan ta bay rumbo pa Caribe

Irma, e di nuebe tormenta tropical di e temporada di horcan riba Atlantico, a ...

Puerto Rico no ta logra meta di 95% di coriente pa dia 15 di december

E meta di gobernador Ricardo Rosselló pa logra cu e Autoridad di Energia Electrico ...

Mas di 1000 venezolano a solicita refugio na Brasil

Mas di 1000 Venezolano a solicita refugio na estado di Roraima, Brasil, durante prome 3 ...