Auto ta dal hoben (17) ciclista

Comunidad ciclista ayera tabata den shock ora a tende cu un auto maneha pa un chauffeur a dal un hoben ciclista di 17 aña. E situacion di dje ta critico y awe mainta e ta bay Colombia pa tratamento medico. 

Segun informacion cu ainda no ta confirma pa polis, nos ta compronde cu e chauffeur tabata pasa un otro auto y asina dal e ciclista, mientras un otro coredo a scapa. Aparentemente e chauffeur no tin rijbewijs. E impacto tabata asina grandi cu e hoben tin fractura pisa na su cabes y lomba y otro heridonan serio. Ta trata di e hoben Rechenel Statie cu ta den seleccion di ciclismo. Diadomingo ainda el a participa den e competencia di mountainbike di Hubada Cycling cual ta su team tambe. El a sali di cinco.

E team aki ta informa cu e hoben awe mainta lo sali pa Bogota. Y tambe ta haciendo un suplica na comunidad pa yuda su mama financieramente cu un donacion. Den caso di accidente AZV ta cobra e chauffeur culpabel pa gasto medico. Sinembargo manera Bon Dia Aruba a trece, esaki hopi biaha no ta yega e gastonan completo manera por ehempel den e caso di e hoben Noni Brokke cu tambe a haya accident. Tin un limite cuanto seguro ta paga. Un otro punto ta cu den caso un chauffeur no tin rijbewijs (of por ehempel a bebe) seguro no ta paga.


Despues di accident por mira hopi reaccion den medionan social unda ta acusa automobilistanan di no tene cuenta suficiente cu ciclistanan. Otronan ta bisa cu nos camindanan no ta adecua pa ciclistanan por haci deporte y mester bin cu mas caminda special pa coredonan di bais.

You May Also Like

17 dec DT Duane accion (13).JPG

Sindicato di aduana protestando contra proceso organisacion  

Ayera miembronan di Sindicato di Aduana Aruba (SADA) a dicidi di bay cerca Minister ...

alcohol.jpg

Awor bo mester tin 18 aña pa cumpra alcohol na Aruba

Parlamento den forma unanime a aproba e cambio den e ley di permiso pa ...

herman hek

Herman Hek a huramenta como griffier nobo di Staten

Drs. mr. Herman Hek, a huramenta como e griffier nobo pa Parlamento di Aruba ...

Poster di Guaidó riba muraya di Consulado di Venezuela ta ‘vandalismo’

ORANJESTAD – Un potret cu a causa hopi reaccion na Aruba tin di haber ...

Evelyn Kruithof - Bor

5 organisacion di pensioen, inclui APFA, a uni pa reto financiero

Awor tin 5 organisacion di pensioen uni pa e reto financiero di fondo di ...

corte.jpg

18 persona sentencia pa falta di cumplimento inkomsten belasting

Final di januari ultimo, casi 20 sospechoso a wordo sentencia cu boet durante un ...