Autobus a mata 34 persona y 15 a keda herida na Haiti

Un autobus cu tabata huy a mata 34 persona y a laga 15 hende herida na ciudad di Gonaives, na 150 kilometer di capital di Haiti, Proteccion Civil a informa.

“Den cuminsamento e bus a dal dos persona cu tabata cana, lagando asina un persona morto y e otro a keda herida” Marie Alta Jean Baptiste, directora di Proteccion Civil a bisa. “Despues cu e bus a dal e dos personanan anto e bus a huy y a haya den su caminda tres grupo di musico cu tabata cana. “E caminda tabata scur y 33 persona a muri”, e directora di Proteccion Civil a informa.

Servicio di ayudo a yega lihe na e lugar y a hiba tur hende herida pa hospital di Gonaives. Polis tabata controla e hendenan di e poblacion ey, cu tabata hopi rabia pa e situacion cu a presenta eynan. “Hende cu no a bira victima di accidente a purba di kima e autobus cu tur pasahero aden”, Faustin Joseph, coordinador di Proteccion Civil na departamento di Artibonite, a bisa.

“Bus, su pasaheronan y chauffeur a keda bao seguridad na warda di polis di Gonaives”, el a detaya. Otro incidentenan a keda registra na e lugar, caminda e bus a dal asina hopi persona, pero despues trankilidad a bolbe, autoridadnan a informa.

You May Also Like

Un muhe Chileno a muri despues di varios cirugia na Colombia

Un muhe di Chile di 48 aña a muri na Cali – Colombia, despues ...

Mexico: Conocido ambientalista indigena asesina

(Univision) – Ciudad DE Mexico.- Guadalupe Campanur Tapia, un defensor di e reserva forestal Mexicano ...

Peru: Un bus a cay den un abismo lagando por lo menos 44 morto

(Infobae/LaRepublica) – E suceso a tuma luga diaranson marduga na region di Arequipa, na ...

Presidente Michelle Bachelet a manda condolencia pa Merca relaciona cu matanza na Texas

Presidente Michelle Bachelet a lamenta via su cuenta di Twitter, e atake nobo cu a tuma ...

Colombia: Venezuela contra entrada di Colombia den NATO y OECD

Presidente saliente Juan Manuel Santos a anuncia cu Colombia lo bira miembro di e ...

Lenin Moreno, virtual ganador na Ecuador

Candidato oficial pa presidencia di Ecuador, Lenin Moreno a haya  51,16 % di voto, ...