Diahuebs anochi a tuma luga un reunion extraordinario, pasobra mester a dicidi kico lo bay rifa pa recauda fondo pa uniform nobo pa e Team di Train Hard Fight Smart y su miembronan di directiva. Tambe mester tin 7 diferente color di uniform ora cu e team bay Korea pa asina nan bisti un color cada dia.
E miembronan a bay di acuerdo pa rifa un BBQ grill set pa dia 2 di April cu ta mas o menos 1 luna prome cu dia di mama. E rifa di e television di dia 5 di maart no tabata tin ganado y esey a pone cu no mester a cumpra e television. Carlos Hernandez lo bay ta na Aruba pa asina duna un camp training for di dia 26 di maart pa dia 2 di april.
Awor ta preparando pa e Ultimate Taekwondo Cup cu ta dia 8 di april y cu lo bay bira e prome clasificacion pa Best of the Best 2017. Carlos Hernandez lo reuni hunto cu e directiva di Brazil Taekwondo Stichting tocante di su plan pa Best of the Best y camp training. Josefa Willems a splica tocante di e entrada cu tin actualmente ariba e cuenta di Brazil Taekwondo Stichting, despues di a haci e pago di e ticketnan pa Korea.
Brazil Taekwondo Stichting semper ta opta pa tin tur cos cla prome cu tur e actividadnan cu nan ta organisa pa asina cana delanta. Esaki ta conta tambe pa tur training cu ta tuma luga na Brazil Taekwondo Stichting.
