Autoridad a detene 3 hoben Antiano den un caso di violacion

ROTTERDAM – Recientemente autoridadnan Hulandes detene tres hoben di descendencia Antiano cu lo mester ta pertenece na e gang di ‘Franselaan’. Polisnan pa basta dia caba tin bista riba seis hoben menor di edad pa nan participacion den e gang menciona. Segun polis di Rotterdam ta informa, a detene e hobennan aki relaciona cu nan posibel participacion den un caso di violacion, ademas tin indicacion cu nan lo por ta envolvi den mas caso tambe.

Manera indica tur e hobennan cu polis tin bista riba dje ta Antiano of di descendencia Antiano. Segun autoridadnan e hobennan aki lo ta envolvi den violacion di algun damita cu tambe ta menor di edad.  A detene e rumannan Geremy y Jermely B.  relaciona cu violacion cruel di un dama di 35 aña na Schiedam. Esey ta un caso cu a tuma luga na 2016. A detene nan na 2017 den e periodo cu nan tabatin 15 y 16 aña di edad respectivamente, pero entretanto ambos ta liber atrobe.

Polis ta kere cu tin un damita na Schiedam cu posiblemente a keda viola a Geremy. Mayoria di nan victimanan ta den area di Schiedam. Ta sospecha cu e gang aki lo ta envolvi den mas caso, pero e problema ta cu den mayoria caso e victimanan no ta haci denuncia.

Ta bini acerca cu aparentemente tin miembronan di e gang cu ta infecta cu malesanan venerico y di forma consciente ta pega nan victimanan cu malesa.

 

You May Also Like

Comunidadnan di afro descendiente na Colombia apenas ta haya tera propio

(ElTiempo) – E comunidadnan di afro descendiente na Colombia, agrupa den 271 conseho comunitario, ...

Odebrecht ta nenga di a paga FARC

E gigante di construccion Brasileño Odebrecht a nenga ayera cu nan lo a entrega ...

Texas: Bida largo di prizon pa chauffeur di truck cu ilegal di Mexico

James Bradley Jr., e homber cu a conduci e truck den cual tabatin inmigrante ...

Diaz-Canel proponi pa bira proximo presidente di Cuba

E actual prome vice-presidente di Cuba, Miguel Diaz-Canel, di 57 aña, a keda proponi ...

Brasil: A confisca bienes di ex-candidato presidencial pa caso Odebrecht

Dialuna pasa, un hues a ordena e confiscacion di bienes di ex-candidado presidencial y ...

Banda a horta varios miyon dollar y un polis a muri

Corantnan ABC y Ultima Hora a informa cu e criminalnan cu a participa den ...