Autoridad a blokia cuenta di banco di Odebrecht na Venezuela

Despues di solicitud cu ministerio publico di Venezuela a haci dilanti di tribunal, a dicidi pa tuma medida real manera congela cuenta di banco, como tambe prohibicion di benta di bienes cu ta pertenece na e empresa di Brasil Odebrecht.

E solicitud aki a ser formula pa fiscal 55 nacional y auxiliar, Pedro Lupera y Luis Sánchez dilanti di tribunal 11 di control di area metropolitano di Caracas. Representante di Ministerio Publico a dirigi un investigacion tocante iregularidad cu a sucede cu contratonan di e compania Brasileño. Ministerio publico a supervisa den pasado e revision hudicial na sede di Odebrecht, ubica na Tore Humbolt, estado Miranda.

E investigacion ey ta busca di conoce e situacion den Odebrecht y asina haya sa si e obranan riba cual Odebrecht tabata trahando ta cla of no. E obhetivo di e investigacion ta tambe pa verifica cual ta e destino di e placa, cu Odebrecht a paga pa haya nan contratonan y asina comproba si algun funcionario publico a haya un beneficio, producto di e negoshi ey.

Ministerio publico a solicita tambe un ordo pa detene un persona cu ta presuntamente relaciona cu iregularidad eynan. Autoridad a solicita tambe cu por incorpora e persona ey den codigo cora di Interpol, en caso cu e persona ta pafo di Venezuela, anto autoridad den exterior por detene y despues extradite. Ministerio publico di Venezuela a manda solicitud pa Brasil, Suiza y Merca.

You May Also Like

Merca a lansa un sancion nobo contra autoridad electoral y minister di Venezuela

(BioBio).- Departamento Mericano di Tesoro a comunica cu nan a lansa medidanan nobo di ...

Hoben a choca su miho amiga mata despues di un selfie

Polis a uza un potret pa logra bin cu prueba riba un asesino cu ...

Homber Vietnames ta inventa straw di yerba

Plastic keto bay ta keda contamina nos medio ambiente na nivelnan alarmante. Pa e ...

50 persona deliberadamente hoga na costa di Yemen

Cinco migrante a fayece y otro 50 persona a disparce despues cu nan a ...

refugionan na frontera Slovenia

Mas tension awor cu Slovenia no kier admiti mas refugio

E tension na Europa, specificamente na e paisnan di Balkan unda e refugionan di ...

Corte ta declara morocho liber paso no por a saca afor ken a comete e delito

Corte na Leuven mester a declara morocho liber pa motibo cu no por a ...