Diaranson den careda di 4’or marduga un homber tur na sanger a yega na un cas na Savaneta na pia pidiendo ayudo. E homber tur na sanger a comenta cu algun persona papia spaño a maltrata e cu un señora altura di un cas na Pos Chikito y e homber a logra bula for di auto riba caminda na Savaneta y sigui bay cu e señora den un Chevrolet optra shinishi.
Polis tabata presente na e cas na Savaneta rapidamente pa start un investigacion, a notifica ambulance pa atende cu e victima y haya atencion medico di biaha. Recherche di San Nicolas y hefe di recherche tambe a presenta na tanto e cas unda e homber a yega pidi ayudo na Savaneta y tambe na nan cas na Pos Chikito.
Na e cas na Pos Chikito autoridad a haya slof benta abou, piknan di sanger benta abou riba caminda y a notifica departamento forensico di Cuerpo Policial presenta inmediatamente pa asina saca e evidencianan. Segun e homber el a logra wak cu ta 3 homber papia spaño tabata den e auto y e señora a keda den auto cu e agresornan despues cu el a bula. Ta un investigacion grandi pa autoridad investiga tanto na e cas unda e homber a keda haya y tambe na cas na Pos Chikito
Rato despues autoridad a keda informa cu banda di e lama na Savaneta pabou di ex brisas del mar a haya un chevrolet optra shinishi atras, di biaha oficialnan a yega na e sitio y topa cu e vehiculo y a keda den beslag pa un investigacion profundo di parti autoridad.
