Avion di Inselair cu problema di motor a regresa aeropuerto

E vuelo di InselAir number 7i512 mester a regresa aeropuerto di Sint Maarten mas o menos 1 ora despues cu nan a lanta vuelo. E avion a sali di Princess Juliana International Airport y a haya nan mes confronta cu problemanan di motor.

E vuelo aki tabata uno di Sint Maarten pa Curaçao durante e oranan di atardi. Esaki ta segun e fuente The Daily Herald. E yamada di ayudo cu a wordo haci pa e piloto di e avion a pone cu e aeropuerto na Sint Maarten tabata den maximo alerta den caso cu tabata tin mester di cual kier ayudo di emergencia. Esaki a sosode pa motibo cu e avion a haye confronta cu problema di motor, pero e avion cu tabata tin problema a aterisa safe.

E vuelo aki tabata bayendo Corsou cu casi tur asiento yen di pasahero. E avion tabata regresando pa Corsou despues di a aterisa mas trempan na Sint Maarten. Na momento di su yega na Sint Maarten, ningun problema a wordo detecta segun e informacion.

Mientras cu e pasaheronan ta wardando pa wak un otro alternativa pa yega nan destinacion, no tin ningun informacion ainda tocante kico por a causa e incidente aki y InselAir mes no ta bisando nada di esaki ainda.Recientemente e mesun situacion a pasa na Aruba ora cu tres persona tabata abordo di un test flight di un di e avionnan di InselAir, cu tambe a perde funcion di un di e motor den laira, pero a aterisa safe.

You May Also Like

Banco Central: Crisis Venezolano ta afectando Corsou

Tin algun factornan cu por afecta e perspectivanan economico di Corsou na 2019, segun ...

InterCaribbean mester paga boet di mei miyon dollar si no cumpli

Recien corte a tuma e decision den e caso di  InterCaribbean Airways y InselAir. ...

Curasoleño acusa pa dobel asesinato na Santo Domingo deteni na Italia

E homber Curasoleño di 61 di inicialnan C.A.L. acusa pa e dobel asesinato na ...

OM Corsou: man duro contra explotacion sexual di menor

Ministerio Publico (OM) di Corsou tin sospecho cu tin abuso sexual di mucha muhe ...

Mayornan cu no ta vacuna nan yiu ta haya menos kinder toeslag

Mayornan cu ta scoge pa no vacuna nan yiu lo por conta cu menos ...

Grupo ta bolbe for di Grecia sin refugiado

Campañadonan Hulandes, kende a biaha pa Grecia pa busca 150 refugiado for di e ...