Ora cu e awa ta mustra cla no ta semper un señal cu e awa ta limpi – asina dos reportahe riba malesanan asocia cu awa a keda publica diahuebs por medio di US Centers for Dsease Control & Prevention (CDC).
Na 2013/2014, un total di 42 caso a keda reporta cu a causa malesa relaciona cu bebemento di awa. Infeccionnan (infectious pathogens), kimiconan of toxiconan reporta na CDC for di 19 diferente estado na Merca. E reportahenan no ta inclui ‘lead contamination.’
Akinan ta papiando di por lo menos 1006 casonan di malesa, 124 persona cu mester a keda hospitalisa y 13 morto rond Merca; Alaska, Arizona, Florida, Idaho, Indiana, Kansas, Maryland, Michigan, Montana, New York, North Carolina, Ohio, Oregon, Pennsylvania, Rhode Island, Tennessee, Virginia, West Virginia y Wisconsin. A topa cu diferente nivel di contaminacion unda cu investigacion y estudionan awor ta continua, como tambe inversionnan pa upgrade y mantene tratamento di awa di bebe. Como tambe sistemanan di distribucion cu ta importante pa continua brinda un miho y safe calidad di awa na comunidadnan na Merca. Un di e problemanan mas grandi den esaki ta infrastructura bieu.
Comunidadnan chikito y areanan mas pober no tin e recursonan pa repara e problemanan den infrastructura aki, y nan tampoco no por haya un prestamo pa haci e tipo di reparacionnan aki. Pasobra nan no lo por paga esaki bek, segun Wilma Subra, presidente di Subra Co, kende ta un instancia di consulta pa medio ambiente.
Fuente: CNN
