zika.jpg

Aña 2015 tabata un aña basta seco y esey a contribui cu no tabata tin mucho cria di sangura rond di nos isla. Pero nos no mester descarta cu tin otro maneranan pa e sanguranan conoci como Aedis Aegypti broei, manera plasnan cu tin basta tempo para, principalmente di dumpnan ilegal, scoternan caminda ta pone pochi di mata y tambe hemchinan cu ta gara awa di airco, pa nos menciona algun, segun funcionario di GKMB, Clayton Croes.

GKMB a cuminsa ripara, haciendo analisis di datonan cu ta drenta, hopi cria cu a wordo haya positivo, ta traha di hende mes. Tur hende ta spaar placa di tal manera colecta awa. Pero tin cu haci’e na un manera sano y responsabel. Hopi biaha ta pensa cu no ta haciendo nada malo, pero tin cu haci esaki na manera adecua. Una bes cu ta cuminsa colecta awa na un manera iresponsabel, ta cria un ambiente perfecto unda cu e sangura por broei y multiplica hopi lihe. E ora inmediatamente tin molester di sangura rond di cas.

Casonan rond Aruba

Tin bario mas activo cu otro of ta full Aruba GKMB a mira cu tin casonan di cria pa cual aki Croes ta splica mas di e problemanan cu tin awor aki. Tin bario cu ta keda frecuenta cu cria. Barionan cu tin cas mas cerca di otro, compara cu tin bario cu casnan mas leu di otro. Por ripara cu tin mas cria of menos cria, pero ta debi na e cantidad di casnan cu tin den e region. Mescos cu casonan sospechoso pa controla y trata, tambe ta parti rond di e isla. No por bisa cu un cierto bario tin mas cria cu otro. 

Endemia

a cera 2015 cu un total di 1623 caso sospechoso, caminda cu tin cu compronde cu ta Dengue, Chikungunya y Zika tambe.  A manda pa splica riba e diferente sintomanan di Zika y cu ta tumando esaki den consideracion pa asina cuminsa traha e casonan sospechoso cu ta drentando, Sr. Croes a splica.

 

RELATED ARTICLESMORE FROM AUTHOR