serlimar

Aña 2016 lo ta un aña cu Serlimar lo mira algun cambio, como tambe solucionnan pa varios di nan dilema cu nan a bin pasa aden den e ultimo temponan, segun vocero  Lionel  Croes a indica.

Aumento prijs

Pikimento di sushi ta bin cu su gastonan, cual a haci cu Serlimar mester a haci un adaptacion di 25 cen pa luna pa loke ta 2016, haciendo esaki pa aña 3 florin. E tarifa awo pa aña a bira 315 florin, compara cu 312 florin pa loke ta 2015. Mirando e prijs eyfo a aumenta, inversionnan cu a haci den ekiponan, Croes a bisa cu e aumento aki ta hustifica. Esaki ta cumpliendo cu ley, no surpasando un 10%.

Candela riba dump

Fuera di e cambionan cu Serlimar tin riba nan tarifa pa loke ta pikimento di sushi residencial, nan tin algun dolor di cabes, cual ta haci cu nan ta cay den un desbalanse, pa loke ta medio ambiente. Keto bay e keho riba candela riba tereno di dump ta un dolor di cabes pa e bario. Croes a splica cu nan ta haciendo tur lo posibel pa por domina e candela ora cu esaki wordo activa. E tema aki ta un tema pa comunidad y ta un preocupacion pa Serlimar. No obstante ta purba di tur manera of otro pa mantene e candela aki. E candela aki no necesariamente ta wordo cendi intencionalmente pa personanan cu ta haci esaki pa busca sushi, pero tin candela bao di e tera, cu ta subi na e superficie. Ta haya e cayente, candela y gas acumula y anochi por mira esaki ta spuit tambe. Mientras tanto ta cumpli cu e parti di maniobra pa controla e candela aki, cual ta responsabilidad di Serlimar te ora cu bin cu un solucion. E unico manera cu tin awor aki pa controla e candela aki ta den e forma tradicional cu ta bay bek riba dje, ta pa pone santo y purba di mantene e candela aki pa e no escala y subi na halto riba e parti di e tera. Tabata tin partinan strategico cu e manager di Parkietenbos a trece ultimo añanan cu ta duna resultado, pero no ta duna un garantia 100% cu no ta bay haya candela. E candela lo keda presenta por lo pronto riba Parkietenbos dump, pero sinembargo ta purba di minimalisa esaki. Tambe ta tene cuenta di esnan cu ta bin di exterior pa subi eyriba, busca hero, koper, etc.

 

RELATED ARTICLESMORE FROM AUTHOR