Sindicatonan y gremio di e pais a dicidi di convoca un welga nacional, den e dinamica aki e trahadonan ta tuma su tempo di su actividad laboral pa manifesta nan punto di bista riba situacionnan di interes comun pa e sociedad.

A traves di diferente mobilisacion social na cayanan di e pais, tabata pretende protesta contra e ultimo politica publico cu a wordo desaroya den Gobierno Nacional.

Segun loke algun organisacionnan y Comite Nacional di Welga a informa, e dia scogi tabata ayera 28 di april pa haci tur actividad den e welga. Autoridadnan local y nacional a solicita pa cancela e mobilisacion na e ciudadnan debi cu ta un foco di contagio den mey di e di tres pik di e pandemia cu gravemente a afecta e capacidad hospitalario na henter teritorio nacional.

E presidente di Fecode, William Velandia,a informa cu e welga nacional tabata convoca como un protesta contra di e modificacionnan fiscal cu ta contene e proyecto di reforma tributario, cu ta wordo debati pa comisionnan na Congreso di Republica.

Varios di e concentracion a cuminsa desde hopi trempan na diferente punto di Bogota, varios persona a sali for di 5or di mainta pa marcha , algun di nan tabata tuma luga na Parke Nacional, Universidad Nacional, El CampĆ­n, Portal Suba y otro puntonan.

Usuarionan riba rednan social y ONG Temblores a reporta cu tabatin algun persona herida na distinto punto di Bogota, ademas di otro ciudadnan pa via di enfrentamento cu Esmad.

Desde hopi trempan, e personanan a haya dificultad pa nan yega na su trabou of nan destino debi na manifestacionnan, e blokeo mas importante a wordo registra na Suba.

Alcalde di BogotĆ” Claudia LĆ³pez a rechasa cu manifestantenan a blokia e camindanan y mobilidad pa ciudadanonan cu mester a yega na nan trabou of pa haci algun diligencia.

LEAVE A REPLY

Please enter your comment!
Please enter your name here