(AP) – Un ayudante di bus di scol cu a ser graba den video di vigilancia ta dal un mucha autistico a ricibi 10 acusacion mas di abuso involucrando dos mucha, fiscalnan a informa diabierna.
Kiarra Jones, di 29 aña, a keda aresta luna pasa y inicialmente acusa cu un caso di agresion di tercer grado riba un persona den riesgo. 8 acusacionnan adicional di agresion di tercer grado riba un eprsona di riesgo y dos acusacion di abuso di mucha a ser poni den su contra, Eric Ross, vocero di 18th Judicial district Attorney John Kellner a bisa. E acusacionnan nobo ta trata supuesto abuso di e mucha originalmente nombra e victima y un di dos mucha, el a sigui informa.
Jones ta representa pa abogadonan di defensa publico, cual no ta duna comentario den media tocante su casonan.
E nomber di e victimanan no a ser revela den documentonan di corte sinembargo Qusair Mohamedbhai, un abogado cu ta repreenta e famai di e studiantenan cu tabata haci uso di e bus unda Jones a traha na Dener, a bisa cu ambos ta muchanan autista cu no ta verbal, incluyendo un mucha di 10 aña ken su inciente a ser graba den un video cu su mama a publica luna pasa.
Na e tempo aki, Jessica Vestel a bisa cu su yiu homber a bini for di scol cu blousia na enter su curpa den januari. Despues, el a bin cas cu un wowo preto, cual Vestal a bisa cu Jones a bisa ta pa motibo cu el a dal su mes cu un wega y despues el a bin cas cu su pia herida. Sin por splica e fuente di su heridanan. Vestal a pidi e districto escolar pa mira e video di e camara di vigilancia cu tin riba e bus.
Cada un di e acusacionnan nobo den contra di Jones ta representa un dia den cual tin varios incidente separa di abuso contra e muchanan segun Mohamedbhai.
