Pa 2:15 di awe merdia central di polis ta wordo notifica cu na un creche situa na Catiri un baby no tabata dunando señal di bida. 

Patruya a yega na e sitio hunto cu ambulance. Un rato despues ambulance a transporta e baby cu urgencia pa hospital. E baby su situacion ta critico. Departamento di recherche a presenta hunto cu slachtofferhulp. E caso awo ta bay den investigacion. Manera tin update Cuerpo Policial lo informa debidamente.