Colombia: Otro atentado contra oleoducto di Ecopetrol

E compania petrolero estatal Colombiano Ecopetrol a denuncia un atake nobo riba e oleoducto Caño Limón-Coveñas den departamento norte de Santander, cu ta duna acceso na costa Atlantico na crudo Colombiano pa exportacion.

“Nos ta registra un atake nobo riba e oleoducto Caño Limón-Coveñas cerca di vereda Cubugón, caserío La Colmena, municipio di Toledo. Nos ta pidi comunidad di aleha y no cende fogon, ni palo cu ta pega candela ni nada cu por produci chispa,e empresa petrolero a divulga a traves di su cuenta di Twitter.

Desde 9 d januari ultimo Ehercito di Liberacion Nacional (ELN) a reactiva un ofensivo terorista contra e oleoducto despues cu e cese al fuego bilateral pacta cu gobierno di Juan Manuel Santos a termina. Mescos den pasado e oleoducto cu ta di gran importancia pa e empresa y economia Colombiano, ta blanco di atake di e grupo guerrillero.

Segun Ecopetrol, den e aña aki a registra mas di 10 atake riba e oleoducto aki.

Banda di e atakenan sistematico riba e oleoducto tin tambe e atakenan riba e posnan di petroleo den e zona rural di municipio di Aguazul, Casanare, zona tradicionalmente influencia pa ELN.

E atake di siman pasa diahuebs a sucede despues cu un grupo di persona arma a intimida e  personal di siguridad y a activa carga explosivo den e posnan Liria YD2 y YD36 di e Campo Cupiagua-Recetor.

Despues di e atakenan, Ecopetrol a ordena e ciere di e posnan mientras cu forsa arma publico a presenta den e zona pa controla e situacion.

 

You May Also Like

Ex-presidente di Ecuador acusa den caso di secuestro

Dialuna pasa e ex-mandatario Rafael Correa a ser oficialmente acusa den e caso di ...

Miles di biyete Venezolano haya na Rio de Janeiro

Dialuna polis di Rio de Janeiro a haya cerca di 40 miyon di bolivar Venezolano ...

Accion grandi di limpiesa a inicia despues di derame di azeta na Trinidad atrobe

Un derame di azeta a keda reporta ayera den area di Chaguaramas, Trinidad.  EMA ...

Despues di critica fuerte, Puerto Rico ta spera di habri mayoria di scol awe

Departamento di Educacion di Puerto Rico ta spera di habri 80% di e 1.113 scol ...

Panama ta finalisa campaña electoral

Panama a pone punto final na e campaña electoral mas corta y restrictivo di ...

Comision Interamericano di Derecho Humano cu informe tocante Venezuela

Comision Interamericano di Derecho Humano (CIDH) a celebra un conferencia di trabao, corespondiente na ...