Siman pasa tabata perfecto pa e cantante Portoriqueño, Bad Bunny, pa e parti profesional. Sinembargo, diabierna Benito Antonio Martinez Ocasio (nomber legal di e reguetonero) tabata den recuperacion despues di un cirugia di emergencia.

Segun agencia noticiero EFE, e cantante a ser someti na un operacion di apendice diahuebs ultimo na San Juan, Puerto Rico. Fuentenan cercano na e cantante a indica cu e artista tabata ainda hospitalisa durante weekend. “E ta bay ta bon, e ta recuperando”, e fuente en cuestion a indica.

Segun medionan local, e musico di 26 aña di edad a ingresa Doctor’s Center di e capital Portoriqueño, den e sector Santurce, diahuebs ultimo pa 1pm (ora local), y un ora despues el a ricibi un intervencion quirurgico.

Por lo pronto ta premira cu e recuperacion den hospital lo por dura hasta cinco dia, pues e lo mester permanece den observacion.

LEAVE A REPLY

Please enter your comment!
Please enter your name here