Alex Edward Toppenberg a nace na Aruba dia 19 di augustus 1943. Su nomber di cariño semper tabata Etty. Nomber di su tata ta Gilberto de los Santos Toppenberg y su mama ta Petra Soliana Toppenberg. Etty a nace y lanta den Companashi. E tabata number shete di e total di diesun ruman. E gran Artista Arubiano Etty Toppenber a fayece awe den oranan di merdia.
Pa algun luna caba e musico a bin ta luchando cu su salud. Nunca el a entrega. Su Fe tabata grandi. Pero awe Tata a dicidi di yam’e den su Reino. Recientemente e la celebra su 79 aña.
Segun Etty, e bida artistico ta un satisfaccion cu el a haya cu musica Semper Etty a keda haci musica. El a traha na oficina di impuesto pa diez aña, despues el a bira maestro di scol y nunca el a laga musica. Etty a uz’e hopi, pasobra ta dos podium bo tin, esun den klas y esun riba cua bo ta para canta. Semper el a laga nan traha hunto, p’esey Etty ta un di e hendenan mas afortuna na Aruba. E ta kere cu ta Birgen di Alto Vista den e kapel cu e ta bay tur mainta, ta yud’e cu e ta conforme cu su bida y satisfaccion cu el a haya cu musica.
Luna pasa, Toppenberg a ricibi un homenahe pa su aporte na cultura di Aruba.
Awe e mundo musical ta di luto, Etty algun dia atras a ricibi un bunita homenahe di gobierno di Aruba y Go Cultural fundation. Sigur Etty ta un ehempel pa nos tur aki na Aruba cu su cancionnan unico y cu su voz inolvidabel. Hopi forsa na su famia y paz na su restonan.
