FILE - A person uses an iPhone on Oct. 8, 2019 in New York. Apple is letting some iPhone users fix their own phones, a sharp turnaround for a company that has long guarded its software in a walled garden that only Apple-approved technicians can unlock. The company said Wednesday, Nov. 27, 2021, it will enable users of two of the newest iPhone models and later some Mac computers to get access to genuine Apple parts and tools to be able to repair them. (AP Photo/Jenny Kane, File)

(AP) – Apple ta permitiendo algun usuarionan di iPhone drecha nan propio celular, un cambio skerpi pa un compania cu pa largo a prohibi tur persona excepto tecniconan aproba pa e compania pa mishi cu su partinan y software propietario.

E compania a bisa ayera cu ta bay permiti usuarionan di e dos modelo mas nobo di iPhone y eventualmente algun computer Mac pa haya acceso na partinan genuino di Apple y hermentnan pa reparacion di consumidor.

Esaki ta refleha e movemento cada bes mas fuerte di ‘derecho pa repara’ adopta pa presidente Mericano, Joe Biden, y cu ta afecta tur aparato desde smartphone te auto y tractor. E ta un reaccion na e infusion di software den mas productonan di uso diario y e practicanan di fabricantenan cu cada bes mas ta haci e productonan dificil y caro pa drecha.

Apple ta lansando un tienda online pa reparacionnan di self-service proximo aña, cual e compania ta bisa ta bay tin mas di 200 parti individual y hermentnan pa haci e reparacionnan mas comun riba e iPhone 12 of iPhone 13. Inicialmente ta bay ta enfoca riba reparacion DIY di pantaya, bateria y display, algo cu Apple anteriormente a resisti citando preocupacion relaciona cu seguridad, manera reemplasonan di bateria malo cu por daña un aparato.

Accion di Apple ta bon noticia pa consumidornan, y un señal cu mester aplica standardnan similar na otro electronico, segun Maureen Mahoney, senior policy analist na Consumer Reports. “Si bo cumpra un producto, bo mester por ta capaz di drech’e”, el a bisa. De lo contrario, ‘consumidornan mester sea depende riba e reparador autorisa di e fabricante, of mester cumpra uno nobo’.

FTC, administracion di Biden, y legislaturanan estatal ta bin evaluando cambionan regulatorio cu lo haci mas facil pa Mericanonan drecha nan aparatonan kibra.

Reguladornan a expresa preocupacion pa restriccionnan cu ta hiba consumidornan den rednan di reparacion di fabricante- y bendedornan, aumentando gasto pa consumidor y lagando repair shopnan independiente fuera di oportunidadnan comercial. Tambe nan a bisa cu e restriccionnan aki riba reparacion ta cay pisa riba consumidornan di minoria of di entrada abao. Un reporte di FTC na Congreso na mei ultimo a nota cu hopi negoshi chikito propiedad id hende color scur ta haci reparacion di ekipo, y repair shopnan hopi biaha ta propiedad di empresarionan di comunidadnan di menos recurso.

Apple pa largo tabata enfoke di defensornan di derecho-pa-repara pa motibo di su practica di lock down su software pa asina partinan ta codifica pa un aparato specifico. Algun intento di reparacion – manera reemplasa un pantaya original kibra cu uno di un tercero – a laga e celular sin por usa.

LEAVE A REPLY

Please enter your comment!
Please enter your name here