(JamaicanObserver) – Minister di Salud di Barbados, Ian Gooding-Edghill, a anuncia cu cuminsando dialuna e pais no lo tin toque de queda mas.
Den un conferencia di prensa diasabra, Gooding-Edghill a bisa cu ademas e cruceronan pa fiesta por bolbe navega desde Dia di San Valentin.
Mientras el a actualisa e pais tocante e ola di omicron, e Minister di Salud a bisa cu segun e conseho di e director medico, a realisa un serie di cambionan pa yuda e pais regresa na e reapertura y actividadnan economico mas vibrante.
Basa riba esaki, lo elimina a toque di queda di 12:00 am pa 5:00 am.
E Minister di Salud ora cu el a referi na e Dia di San Valentin, el a señala cu esaki ta un dia cu hopi hende ta busca pa sali come y el a bisa cu e clientenan ya no mester come, bebe y wak e holoshi. Tocante e regreso di e tan spera cruceronan di fiesta, e Minister a indica cu e soño lo bira realidad.
“Lo permiti pa e cruceronan di fiesta opera na 100% capacidad di e pasaheronan autorisa, expuesto na prueba di vacunacion y testnan rapido di antigen, y e presencia di un oficial di e Unidad di Montireo COVID ariba di tur crucero”, el a bisa.
“Funcionarionan di salud publico a indica cu eventonan den aire liber no ta impone un menasa significante pa e salud publico, semper cu tur hende sigui e protocolnan”, el a agrega.
