(NLTimes) – Expertonan di adiccion ta preocupa cu e avisonan di gambling inundando e mercado Hulandes awo cu gambling online ta legal na Hulanda.
Faltanan den e regulacion a resulta den un imagen demasiado positivo di e manera cu gambling ta ser presenta na sociedad, cual por causa un aumento den problemanan di adiccion, nan a declara na De Volkskrant.
Gambling online a bira legal na Hulanda den october. Desde e tempo aki, casinonan conhuntamente a inverti mas di 10 pa 12 miyon euro pa luna riba avisonan, e corant a skirbi basa riba cifranan cu ta resultado di investigacion di Nielsen. Avisonan tocante gambling ta permiti na Hulanda pa atrae gamblernan fuera di e mundo ilegal, cual ta un mercado cu tabatin un balor di 750 miyon euro den aña 2020.
Aunke e avisonan aki ta genera hopi resistencia den politica y varios otro area, Advertising Code Committee te cu awo a rechasa tur keho den contra di avisonan di e tipo aki, pa motibo cu “un consumidor averahe” ta compronde cu esaki no ta pinta “un imagen serio” di gambling.
Sinembargo, e expertonan ta permanece preocupa. No pa cu e “consumidor averahe,” sino e grupo vulnerabel kendenan e avisonan kier atrae, muchanan y hobennan.
Te ainda Hulanda no tin hopi experiencia pa cu avisonan tocante gambling, Leroy Snippe, ken a traha den cuido di adiccion pa varios aña y actualmente ta cabando su estudio riba Innovative Terms for Gambling Adiccion, a bisa e corant. “Nos no tin un resistencia ainda,” el a bisa. “Y diripiente nos ta mira cu gambling ta asocia cu fiesta.”
