(AP) — Barcelona a ricibi un multa di 25mil euro di UEFA ayera, pa saludo Nazi y zonido di macaco cu su fanaticonan a haci na un wega di Champions League contra Paris Saint-Germain siman pasa.
UEFA a bisa cu e cargo proba di “comportamento racista” a bin despues di imagennan circulando di mal conducta di algun fanatico na Parc des Princes riba dia 10 di april.
UEFA tambe a deferi un suspension di un wega riba benta di ticket na fanaticonan di Barcelona pa un wega como bishitante den Champions League proximo temporada pa un periodo probacional di un aña.
Tambe a duna orden pa Barcelona compensa PSG pa daño na asientonan causa pa fanaticonan, y paga multa adicional na balor di 7mil euro.
Barcelona a gana 3-2 na Paris den e prome leg di e quart final, pero a keda elimina diamars despues di perde 4-1 den e leg na cas.
Cuerpo mundial di futbol, FIFA ta programa pa lansa un accion nobo contra racismo proximo luna na su reunion di congreso anual, cu ta bay tuma lugar na Bangkok, Tailandia.
