Diamars marduga doño di un nissan sentra cora ta raporta na polis cu antisocial a horta su auto dilanti cas na Verano. Patruyanan di biaha a cuminsa patruya poco mas leu di e area y patruya di Noord den menos cu 5 minuut a topa cu e nissan sentra cora.
Su dilanti tabata tin un nissan sentra blanco y a core bay. Patruya di Santa Cruz a logra para e nissan sentra blanco cu tabata compaña e sentra cora. Asina a bay over na detene tanto e ladron y e complise cu a yuda pa horta e auto. Ambos vehiculo a keda tuma den beslag.
