Hunta directivo di BBC a aproba e nombramento di un hues senior retira pa lidera un investigacion independiente riba e circunstancianan rond di un entrevista di television na 1995 cu prinses Diana, e compania a bisa ayera.
E anuncio a yega despues cu ruman homber di Diana, Charles Spencer a renoba su acusacion e luna aki cu periodista di BBC, Marin Bashir a usa declaracionnan forsa y mentira pa convence e prinses pa bay di acuerdo cu e entrevista.
E investigacion lo considera si stapnan tuma pa BBC y Bashir tabata apropia y na ki grado e accionnan ey a influencia e decision di Diana di duna un entrevista.
John Dyson, ex hues di Corte Supremo, ta āun figura eminente y altamente respeta kende lo lidera un proceso profundoā, BBC a bisa.
Charles Spencer a bisa cu den e simannan prome cu e entrevista 25 aƱa pasa, Bashir a haci declaracionnan falso y difamatorio tocante miembronan senior di famia real pa asina gana su confiansa y haya acceso na su ruman muhe.
E declaracionnan en cuestion ta inclui cu celular di Diana tabata interveni y cu su guardaespalda tabata conspirando den su contra. El a bisa cu Bashir a mustrāe ādocumentonan falso di bancoā cu supuestamente tabata mustra cu dos ayudante real senior tabata siendo paga pa spiona Diana.
Charles Spencer a exigi un investigacion y un disculpa. BBC a ehecuta un investigacion interno na momento cu e acusacionnan a presenta pa prome biaha y a bisa cu Bashir a admiti di comisiona documentonan falso. Pero e corporacion a bisa cu e documentonan no a hunga un rol den decision di Diana di participa den e entrevista.
Director general di BBC, Tim Davie, a bisa cu e BBC āta determina pa yega na e berdad di e eventonan akiā.
E entrevista na 1995, den cual Diana famosamente a bisa ātabatin tres di nos den e matrimonio akiā ā referiendo na e relacion di prins Charles cu Camilla Parker-Bowles ā a ser mira pa miyones di persona y a genera shock den e monarkia.
Diana a divorcia di Charles na 1996 y a fayece na Paris den un accidente di auto na 1997, mientras paparazzi tabata siguie. Charles a casa cu Camilla, ken awo ta dukesa di Cornwall, na 2005.
BBC a bisa cu Bashir, di 57 aƱa, kende actualmente ta su editor di religion, ta a.o. pasobra e ta recuperando di cirugia di curason y complicacionnan relaciona cu Covid-19 cu el a contrae e aƱa aki.