28preparacion (3).jpg

Ayera mainta e containernan di klapchi a cuminsa wordo entrega mainta trempan. Diferente caminda e containernan a wordo entrega pero asina mes den e deposito na Wela tin hende mester a busca nan klapchi di aña pasa. Despues di 7’or di mainta un grupo di persona a yega Wela pa asina busca nan klapchi di aña pasa. E grupo aki mester a bin cu nan mesun truck pa asina hiba e klapchinan na nan luga pa asina nan cuminsa drecha e luga pa por bende.

Desde trempan por a mira container stiwa sea riba un veld of banda di un negoshi. Un bendedo di klapchi a bisa Bon Dia Aruba cu 7 container mester a bay pe pasobra e ta percura pa parti klapchi pa esunnan cu el a haci pedido. Ayera mainta por a mira con bendedonan tabata stiwa e klapchinan y nan no ta pone tur di biaha, di cual e comision mes ta conseha nan pa no haci esaki.

E cahanan di klapchi cu no a wordo habri ainda, nan ta warda esakinan den un deposito sea cu esaki ta un otro container of den e mesun container cu ta wordo uza pa bende klapchi nan ta uza pa warda cahanan di klapchi. Pero pa warda klapchi den e mesun container, e bendedonan mester a percura pa a parti esaki y percura cu e ta bon haci.

Prijs di e klapchinan no ta wordo dicidi pa e comision di klapchi. Esaki e mesun bendedo ta pone. Nan ta mira kico ta e prijs cu a wordo poni aña pasa pero tambe nan ta mira cuanto nan a paga pa trece e klapchinan. Gobierno no ta esun cu ta encarga pa bin cu e klapchinan ni pone prijs.

 

 

 

LEAVE A REPLY

Please enter your comment!
Please enter your name here