Ainda no ta conoci oficialmente si tin persona cu a resulta lesiona durante e temporada cortico di benta di klapchi. Te ainda e comision encarga cu e asunto aki ta compilando informacion, ya cu ainda nan no a haya tur detaye, asina sr. Frido Dirksz di Brandweer a declara na Bon Dia Aruba.
E miembronan di e comision aki entre nan di KPA (Cuerpo Policial Aruba) y DOW lo reuni pa asina comparti informacion cu nan lo por haya fei hospital. Sr. Dirksz tabata masha prudente pa duna informacion riba e parti aki pa evita di suministra informacion robes. Sinembargo di forma no oficial eventualmente un persona a sufri un incidente chikito na su brasa pa mal manipulacion di klapchi.
Entrega di klapchi
Mientras cu e siman aki e bendedo di klapchi mester entrega tur loke a resta pa asina nan ta wordo warda safe den e deposito di Wela.
Sr. Dirksz a bisa cu mañan lo ta e delaster dia pa nan entrega e klapchinan. Aunke nan no tin un bista precies con e benta di klapchi a bay, tur cos ta mustra cu no a bay di e bon ey. Riba e ultimo dia pa bende klapchi cu tabata dia 31 di december te 9’or anochi.
Pero riba ultimo ora nan tabata bende klapchi cu descuento special di 20%, 30% y te hasta mas. Esaki ta otro informacion cu nan a cuminsa compila pa evalua e cantidad di klapchi cu a resta.
El a bisa cu durante nan control nan por a nota cu principalmente riba e delaster dia nan exhibi tur cos pa bende . “nan kier bende, pero tambe nan ta crea peliger “, el a bisa. Te hasta den cierto puesto di benta atencion a wordo yama ya cu den un luga di benta ta cierto cantidad y sorto di klapchi bo mester hinca.
Encuanto e parti di control y colaboracion di e bendedo di klapchi a bay hopi bon. Pero tin biaha nan ta confronta cu algun di nan cu ta purba di haci y no cumpli cu e reglanan debidamente. Unabes cu nan ta wak cu nos autoridad competente ta controla seriamente nan ta tuma consciencia y nan ta cumpli directamente. Sinembargo e ta consciente cu ainda falta traha riba un par di cos pa stipula y regla ainda. Algo cu nan a ripara tabata e uzo di cierto batata cu ta prohibi y cu ainda ta wordo uza. Esaki ta un factor cu semper ta keda ya cu den pasado tabatin kiebro cu a yega di sosode riba Wela , y por ta tin hendenan cu tin e tipo di batata grandi, ya cu bo no ta haya mas batata na benta ariba di dos duim. Ora cu tin di mas caliber ta ilegalmente nan ta haya esey.
.jpg "Tin bendedo ta cumpli pero semper tin esunnan cu ta purba di no sigui regla")
.JPG "Containernan di klapchi a wordo entrega na tur bendedo")
.jpg "Bendedonan di klapchi den pleno preparacion pa bende")
