Analisando e ultimo informacion y desaroyo riba tereno di nos pilar economico  PPA ta mantene locual nos a declara repetida bes esey ta cu Aruba mester restructura su producto turistico  pa asina keda cu un producto cu ta duna Aruba e ‘competitive edge’ pa futuro.

E desaroyo di e ultimo decadanan na unda a duna permiso pa mucho ‘All inclusive’ y  condominiums’ a cambia e producto turistico di tal forma cu e impacto economico di nan riba e demas sectornan di  nos economia turistico a bira hopi cuestionabel.

Aruba a bira un Isla cu  un 5 star hotel cu den nos concepto ta ‘Ritz Carlton’ algun 4 star hotels, varios 3 star  y varios 2 star hotels cu tin e pretension di ta 3 star hotels. No kabe duda cu Aruba su producto turistico a haci bon papel…….tin bes pa un maneho positivo di tanto gobierno/ATA y AHATA pero tin bes basa riba suerte cu otro parti den Caribe a ricibi sla di naturalesa y cu esaki a beneficia Aruba su resultado.

Na mes momento nos ta bibando den un epoca unda hopi ta preocupa cu Aruba lo tin demasiado Hotel y cu hopi di nos pueblo no ta desea di traha mas na hotel !!

Memey di tur e preocupacionnan aki PPA ta considera cu e preocupacion number UNO lo mester ta e preocupacion con e  producto turistico di Aruba ta compara cu demas destinacion den Caribe ??? Y kiko Aruba lo mester haci pa mehora e posicion di Aruba su producto turistico?? Dunele e ‘competitive edge’ !

Un ehempel di restructuracion di nos producto turistico!

PPA ta di opinion cu memey di tur preocupacion Gobierno lo mester scoge pa un maneho cu tin como meta pa  restructura nos producto turistico di Aruba pa asina Aruba por tin e ‘competitive edge’ cu PPA ta papia di djele.

Kico esaki realmente kiermen?

Pa PPA esaki ta nifica  hiba un maneho cu NO necesariamente ta nifica construccion di mas hotel !  Solamente si e construccion of reconstruccion lo nifica eleva nos producto turistico di Aruba esaki lo por ta positivo.

*** P’esey PPA a expresa nos mes positivo tempo cu gobierno mas cu un aña pasa a informa cu a yega na un acuerdo cu  “Ritz Carlton’ pa construi un Hotel FIVE STAR (St Regus) na luga di permiti e construccion di un ‘all inclusive’ sigui su curso ya cu permiso pa tal a wordo duna den pasado caba y e tereno tabata den man di otro cu a bendele cu Ritz Carlton.  E maneho di gobierno Wever Croes ehecuta pa ministernan Oduber tabata positivo y ta cumpli cu e meta sagrado di restructura e producto turistico di Aruba…..PPA a declara si e tempo ey ora mayoria instancia tabata drumi cu nos ta sostene un hotel 5 star,  pero ta lamenta e sitio specifico unda esaki lo bini esta na Palm Beach!!

Lo ta positivo si lo por logra un acuerdo cu algun otro grupo di inversionista pa en bes di ehecuta un  2 of 3 star hotel y ‘All Inclusive’ pa cambia esaki pa un Hotel 4-star.

Diversificacion di nos producto turistico!

Den curso di tempo y den varios di nos programa cu cual PPA a participa na eleccionnan nos a mustra riba e necesidad di un maneho cu tin como e meta pa ‘diversifica’ nos producto turistico door di hiba un maneho pa inverti den varios sector turistico.

PPA a referi na entre otro:

A…  MCI tourism  cu accento riba convention tourism.  PPA ta di opinion cu Aruba siendo un isla unda e pueblo ta papia diferente idioma esaki lo tabata un direccion logico cu mester a wordo cana y lamentablemente a keda atras.

B…. Aruba como un golfersdestination!  Permitiendo inversion den a lo menos un golfcourse Internacional (18 hole !) preferiblemente na San Nicolas. Golfers en general tin un entrada mucho mas halto cu lo trece mas beneficio pa nos Isla. PPA ta lamenta cu te cu awe ningun gobierno a logra haci un inversion asina bira realidad.

C.     Desde 2005 PPA ta e unico partido cu den tur programa politico cu PPA a bay eleccion cunele a pone accento riba un desaroyo  unda turismo ta acopla cu mes cu local den mundo internacional ta wordo yama ‘ Health and Wellness Tourism’ tambe conoce como turismo medico. Lamentablemte mayoria di esunnan cu a ricibi confianza di pueblo pa goberna NO a comprende of No tabatatin e capacidad pa realisa e  ‘competitive edge’ cu esaki lo a duna Aruba. Ta ultimamente ta wordo haci como si fuera tin atencion pa esaki pero kisas pa sirbi interes aheno lo ta wanta desaroyo di locual realmente ta posibel riba e tereno di ‘Health and Wellness’ riba nos Isla diversificando nos producto Turistico cu un ‘competitive edge’….!

D. …..PPA a proyecta desaroyo di  San Nicolas como un sector turistico basa riba e vision di ‘San Nicolas, Our Caribbeant Town’!  Un desaroyo unda vision y creatividad di tanto nos gobierno como sector priva lo tin un reto formal.  San Nicolas unda e grupo mas grandi di migrante den decada 1930 padilanti a establece nan mes rond di e refineria……San Nicolas unda ‘Carnival on di Road’ a inicia …….San Nicolas….unda steelband a inicia…….San Nicolas unda e musica di Calypso y Soca a inicia localmente ……bassband etc…..tur esaki combina mas mucho mas historia di San Nicolas ta duna San Nicolas e derecho di por wordo mercadea como ‘San Nicolas Our Caribbean Town’ y si stimula tur inversionista di pensa riba  proyecto pa complet’e e Caribbean Town aki lo aumenta y eleva e producto turistico di Aruba ainda mas!!

No hotel pa loco!

PPA ta ripiti  PPA NO ta di acuerdo pa construi Hotel sin mas !!  Un proyecto di hotel lo mester ‘fit’ dentro di e vision di e  producto di Turismo cu nos Isla Aruba ta desea y nos sector laboral lo mester tin espacio pa esaki !!Y si analisa por ehempel e maneho di diferente gobierno di ultimo tempo anto lo mester puntra nos mes si tin un Vision cu mayoria partido tanto den gobernacion como pafo ta sostene si of no.  Of ta cada gobierno ta duna permiso pa no bisa cu bou di nan nada no a tuma luga.

Secrets hotel na ‘Baby Beach’!
Ta bon conoci cu PPA tabata contra desaroyo di mas ‘All Inclusive Hotels’ riba nos Isla !!  Esaki ta asina te awe!!

Ta ora cu tabata bisto cu e UPGRADER  cu PPA mes no a sostene tampoco a duna tur indicacion di lo NO continua  cu PPA a analisa den nos directiva/Conseho di Partido ‘Kico esaki lo a nifica pa San Nicolas?’ cu si no acepta esaki como excepcion cu San Nicolas lo keda sin  ningun desaroyo impactante pa e proximo 8 pa 10 aña.

Ta dentro di e  analisis aki PPA a sostene construccion di un ‘All Inclusive Hotel’ na Baby Beach esta Secretes Baby Beach Hotel  y analisando cu te awe NI cu e locual a resta di refineria ainda NO a regresa den man di gobierno corda e proceso eventual di negociacion y despues eventual inversion etc.….. cu PPA ta di opinion cu nos posicion politico tabata esun corecto.

PPA mes ta desea pa inversion di un proyecto di un International Golfcourse rondona pa 2 of 3 hotel  di 4 of 5 star …..locual lo ricibi permiso solamente y PPA ta ripiti solamente si nos  sector laboral ta permiti den futuro!!

PPA ta ripiti!

Nos no ta di acuerdo pa construccion di Hotel sin mas !!   PPA ta cuestiona si cu ora a anuncia e hotel na ‘Baby Beach’  esta Secrets a surgi un Horcan di protesta mientras cu ora cu gobierno a anuncia varios  Boutique Hotels y otro Hotels pabou di Aruba casi no tabatin ‘NI Jobida. NI weerlicht corda Horcan di protesta’!!

E maneho principal di cualkier gobierno lo mester ta dirigi riba restructuracion y diversificacion di nos producto turistico di tal forma cu ta prepara nos Isla Aruba pa e competencia fuertisimo cu lo tin den Caribe den futuro.

Unda  un destinacion no por  hunga un papel importante  si e destinacion aki No a prepara su mes pa ofrece e turistico bishitante un producto turistico mas diversifica y eleva posibel……..Unda e  ‘competitive edge’ lo mester wordo busca y adapta cada pasa tempo.

Te ainda PPA ta tuma bon nota cu cientos  hasta miles di Arubiano ta sin trabou ……Kico gobierno ta haciendo pa nan por ricibi trabou ??

Exito na  gobierno, parlamento ATA y AHATA y na tur otro cu ta participa dentro di e panorama turistico di nos pais Aruba.

Ps……..Hopi ta critica y kier moratorium pero No ta tende ningun vision real di kico lo por presenta y ehecuta cu realmente  lo crea otro sector economico. PPA ta un di e poco organisacion politico cu sin tin vision pa un desaroyo asina.

 

LEAVE A REPLY

Please enter your comment!
Please enter your name here